Rep. Zaldy Co nasa US para magpagamot – Kamara

Itinanggi ng House of Representatives ang alegasyong pinoprotektahan nito si Ako Bicol Rep. Zaldy Co sa imbestigasyon sa isyu ng anomalya sa flood control projects.

Sa press briefing kinumpirma ni House spokesperson Atty. Princess Abante nasa Estados Unidos pa si Co para sa medical treatment.

Sinabi ni Abante na may karampatang “travel documents” ang pag-alis sa bansa ni Co.

Hindi pa naman nailabas ni Abante ang impormasyon kung hanggang kailan mananatili sa labas ng bansa si Co base sa kaniyang travel clearance.

Samantala wala namang ideya si House Committee on Public Accounts Chairman Rep. Terry Ridon sa status ng medical leave ni Co.

Nauna nang ipinaliwanag ni Ridon na hindi pa kailangang ipatawag si Co sa pagdinig ng Infrastructure Committee kaugnay sa anomalya sa flood control projects. (DDC)