Sasakyan ng mga Discaya na hawak ng BOC, 28 na

Dalawampu’t walong (28) sasakyan na ng mga Discaya ang nasa kostodiya ng Bureau of Customs.

Kinumpirma ng BOC na labinganim (16) pang sasakyan ang isinuko ng mga Discaya ngayong araw ng Huwebes, Sept. 4.

Dagdag ito sa unang labingdalawang (12) sasakyan na sakop ng search warrant ng korte sa St. Gerrard Construction General Contractor & Development Corp. compound sa Pasig City.
Ayon sa pahayag ng BOC, sumasailalim na ngayon sa sealing at documentation ang kabinganim pang mga sasakyan.

Babantayan din ito ng mga tauhan ng Customs habang isinasagawa ang verification sa importation records at assessment sa ibinayad na buwis. (DDC)