3 Temporary Off-Site Passport Services ng DFA tigil-operasyon mula Oct. 1

Tatlong Temporary Off-Site Passport Services o TOPS ang ihihinto na ang operasyon ayon sa Department of Foreign Affairs.

Sa abiso ng DFA, simula sa October 1, 2025 tigil operasyon na ang TOPS na nasa SM North Edsa, SM Seaside – Cebu at SM Consolacion – Cebu.

Para naman matiyak ang maayos na transition, lahat ng aplikante sa tatlong Off-Site Passport Services ay ia-accommodate sa designated Supervising Consular Office.

Ang mga aplikante sa SM North EDSA ay maaaring magtungo sa DFA NCR East sa SM Megamall.

Habang ang mga aplikante sa SM Seaside-Cebu at SM Consolacion-Cebu ay maaaring magpunta sa DFA Consular Office Cebu. (DDC)