Konstruksyon ng Metro Manila Subway Station sa Pasig, uusad na

Inaasahang masisimulan na ang konstruksyon ng Metro Manila Subway Station sa bahagi ng Ortigas Center, Pasig City.

Ito ay makaraang makuha na ng Department of Transportation ang kautusan sa korte para sa demolition works sa mga istraktura na tatamaan ng proyekto.

Ayon kay Pasig City Mayor Vico Sotto, nabinbin ang pagsisimula ng konstruksyon dahil sa mga usaping legal pero nang maupo sa pwesto si dating DOTr Secretary Vince Dizon, agad itong naresolba.

Umaga ng Miyerkules (Sept. 3) ay sinimulan na ang paggiba sa mga istraktura para mabigyang-daan na ang pagtatayo ng Subway station.

Sinabi ni Sotto na excited na ang mga Pasigueño sa dalawang subway stations na itatayo sa lungsod.

Tiniyak din nito ang patuloy na pakikipagtulungan ng LGU para masiguro ang pag-usad ng proyekto. (DDC)