Manila LGU may pa-cake na ulit sa mga senior citizens

Nagbabalik ang pagbibigay ng birthday cake ng Manila City government sa mga senior citizen sa lungsod na nagdiriwang ng Kaarawan.

Tatlong lola mula sa Tondo na nagdiriwang ng Kaarawan ang personal na binisita ni Manila Mayor Isko Moreno Domagoso para ihatid ang kanilang birthday cake.

Kabilang dito ang 87-anyos na si Lola Consolacion Villanueva.

Ang birthday cake tradition sa lungsod ay sinimulan noon ni Moreno noong unang termino niya bilang alkalde ng Maynila.

Maliban sa cake ay ibinalik din ni Moreno ang pagbibigay ng libreng gatas sa mga nakatatanda sa lungsod. (DDC)