DSWD nagdagdag na Social Workers para sa mga kliyente ng AICS

Nagtalaga ng karagdagang social workers ang Department of Social Welfare and Development o DSWD sa new processing center ng Assistance to Individuals in Crisis Situation o AICS para sa mas mabilis na proseso ng serbisyo.

Ayon kay DSWD Secretary Rex Gatchalian, kung mas marami ang social workers ay mas mabilis din ang interview at assessment sa mga kliyente ng AICS.

Ang bagong processing center ng DSWD para sa AICS ay kayang tumanggap ng hanggang isang libong katao.

Nilimitahan na lang din sa 3-steps ang proseso sa pagkuha ng tulong sa AICS mula sa dating 5-steps.

Ang bagong AICS processing enter ng DSWD ay nasa bahagi ng Paragon Place sa Commonwealth Avenue sa Quezon City. (DDC)