Total lunar eclipse masasaksihan sa Sept. 8

Magkakaroon ng total Lunar Eclipse sa September 8 na masasaksihan sa Metro Manila at sa iba pang bahagi ng Pilipinas.

Ayon sa PAGASA, ang Total Lunar Eclipse ay magiging completely visible sa East Africa, Asia, at Australia.

Kung magiging maganda ang panahon, hinikayat ng PAGASA ang publiko na simulan pag-obserba sa buwan mula 11:27 ng gabi ng September 7 para sa pagsisimula ng Penumbral Phase na susundan ng Partial Lunar Eclipse Phase.

Maoobserbahan naman ang Maximum Eclipse 2:12 ng madaling araw ng September 8 kung saan ang umbral shadow cast ng Earth ay haharang ng 100% sa disk ng buwan.

Sinabi ng PAGASA na tinatawag “Blood Moon” ang phenomenon na ito dahil makikitang mamula-mula ang buwan.

Ayon sa PAGASA, madali lamang maobserbahan ang Total Lunar Eclipse.

Bagaman mas mainam kung gagamit ng binoculars hindi naman ito required para makita ang ganda ng lunar eclipse. (DDC)