PHLPost inihinto ang pagtanggap ng sulat, parcels patungong U.S.

Itinigil na muna ng Philippine Postal Corporation ang pagtanggap ng mga sulat at parcels na patungo ng Estados Unidos.

Ayon sa abiso ng PHLPost, bunsod ito ng ipinatupad na suspensyon ng U.S. sa duty-free de minimis exemption at sa mga bagong customs requirements na ipinatutupad ng nasabing bansa.

Sinabi ng PHLPost, lahat ng uri ng postal items na ipapadala sa U.S. ay hindi na muna nila tatanggapin.

Ito ay para maiwasan din ang service delays na maaaring magdulot ng inconvenience sa mga customer.

Kung mayroong items na nadala na sa PHLPost, ang customer ay maaaring mag-request ng retrieval at refund sa pamamagitan ng pagsusumite ng kinakailangang dokumento. (DDC)