Halos P119B nawala sa bansa dahil sa ninakaw na pondo sa flood control

Aabot sa halos 119 billion pesos ang nawala sa bansa dahil sa mga pondo sa flood control projects na ginawang pugad ng korapsyon.

Ayon kay Finance Secretary Ralph G. Recto, ang talamak na korapsyon sa flood control ay may negatibong epekto sa paglago ng ekonomiya ng bansa.

Kung ang nasabing halaga ayon kay Reto ay hindi naibulsa, maaaring magresulta ito ng six percent na paglago sa ekonomiya ng bansa.

Kung hindi nauwi sa ghost projects ang mga flood control, sinabi ni Recto na aabot sana sa 95,000 hanggang 266,000 ang nalikhang trabaho.

Sa kabila nito sinabi ng kalihim na on track pa rin naman ang bansa sa target na makamit ang GDP growth na 5.5 percent hanggang 6.5 percent. (DDC)