70 sasakyan ang pag-aari ng mga Discaya – Sen. Jinggoy Estrada

Mayroong pitumpung (70) sasakyan na pag-aari si Sarah Discaya at ang kaniyang pamilya at apatnapu (40) dito ay pawang luxury vehicles.

Ayon kay Senate President Pro Tempore Jinggoy Estrada, sa pitumpung sasakyan ng mga Discaya, animnapu’t tatlo dito ay nakarehistro sa Land Transportation Office.

Sinabi ni Estarada na nakakalula ang yaman ng mga Discaya na halos hindi niya mapaniwalaan.

Ayon sa senador ilan sa mga high-end vehicles nan aka-rehistro sa ilalim ng pangalan ni Sarah Discaya ay ang black Rolls Royce Cullinan na nagkakahalaga ng 42 million pesos, blue Bentley Bentayga na 20 million pesos, black Mercedes-Benz AMG Wagon na 20 million pesos, black Cadillac Escalade na 11 million pesos, ang dalawang GMC Yukon Denalis na 11 million pesos bawat isa at ang pulang Range Rover Evoque na 5 million pesos ang halaga.

Sinabi ni ng senador na nagmamay-ari din si Discaya ng Lincoln Navigator, dalawang Toyota Sequoias, Toyota Tundra, Toyota Hilux Conquest, Jeep Gladiator Overland, Jeep Grand Wagoneer, at maraming iba pa. (DDC)