15 bagyo papasok o mabubuo sa loob ng PAR hanggang Pebrero – PAGASA
Labinglimang (15) bagyo pa ang aasahang mabubuo o papasok sa Philippine Area of Responsibility simula buwan ng Setyembre 2025 hanggang Pebrero 2026.
Sa infographic na inilabas ng PAGASA, ngayong Setyembre aasahan ang dalawa (2) hanggang apat (4) na bagyo.
Ganito din ang dami ng aasahang bagyo sa bansa sa Oktubre.
Ang pagtaya na ito ay base sa 187th Climate Outlook Forum ng ahensya na idinaos kamakailan.
Muling magdaraos ng Climate Outlook Forum ang PAGASA sa Sept. 24. (DDC)
