Rolls Royce na binili ni Sara Discaya dahil sa payong, P42M ang halaga

Forty two million pesos ang halaga ng pinakamahal na sasakyan ng mga Discaya na isa sa mga contractor na iniimbestigahan dahil sa anomalya sa flood control project.

Sa kaniyang pagharap sa pagdinig ng Senate Blue Ribbon Committe, tinanong si Sara Discaya kung ilan ang pag-aari nila na luxury vehicles.

Ayon kay Discaya mayroon siyang dalawampu’t walong (28) mamahaling sasakyan.

Hiniling din ng mga senador na banggitin ni Discaya ang presyo ng mga sasakyang ito at ayon sa kaniya ang Rolls Royce ang pinakamahal na nagkakahalaga ng forty two million pesos.

Base sa interview kay Discaya sa isang vlog sinabi nitong binili niya ang naturang sasakyan dahil natuwa siya sa payong nito.

Sa pagtatanong ni Sen. Risa Hontiveros sinabi ni Discaya na ang lahat ng mga sasakyan ay nasa kanila pang garahe.

Sinabi din ni Discaya na sa isang taon ay bumibili siya ng 1 hanggang 3 sasakyan. (DDC)