May-ari ng viral “dirty finger” road rage incident ipinatawag ng LTO

Ipinatawag ng Land Transportation Office ang rehistradong may-ari ng isang SUV matapos mag-viral ang driver nito na nag-dirty finger sa kapwa niya motorista.

Ayon kay LTO Chief, Assistant Secretary Atty. Vigor D. Mendoza II nagpadala na ang LTO ng show cause order sa may-ari ng sasakyan para matukoy kung sino ang nagmamaneho nito nang mangyari ang insidente.

Base sa rehistro, ang may-ari ng SUV ay mula sa Quezon City.

Sa viral video, nag-counterflow ang SUV sa solid double yellow lane na kalsada at nagalit pa ito nang harangan siya ng motoristang kaniyang kasalubong.

Batay pa sa database ng LTO ang nasabing sasakyan ay huling napaprehistro noon pang February 2022. (DDC)