Paggamit ng floating solar panels makatutulong sa energy security ng bansa – DOE

Nag-inspeksyon ang Department of Energy sa kauna-unahang megawatt-scale floating solar project sa Cebu.

Ang tatlong ektaryang pasilidad sa Malubog reservoir sa CCC, Brgy. Biga, at Brgy. Gen. Climaco, Toledo City ay kayang mag-suplay ng hanggang 4.99 Megawatts ng clean energy.

Ginamitan ng 8,540 solar panels ang proyekto at ang US-based project developer na Black & Veatch ang nasa likod ng engineering, procurement at construction contractor.

Ang solar installation na ito ang nagsu-suplay ng 10 percent ng enerhiya na kinakailangan sa Minahan nap ag-aari ng kumpayang Carmen Copper Corporation.

Ayon sa DOE, malaking bagay ang nasabing proyekto na nagpapakita ng potensyal ng renewable energy para makapagbigay ng large-scale power boosting sa energy security ng bansa.

Dahil floating ang solar project, gumagamit ito ng water surfaces para sa energy production sa halip na maghanap pa ng mga bakanteng lote na mapagtatayuan ng pasilidad. (DDC)