Disaster Response ng DSWD naka-full alert sa posibleng epekto ng Habagat at LPA

Nananatiling naka-full alert ang Disaster Response Management Group ng Department of Social Welfare and Development para tumugon sakaling may maapektuhan ng Habagat at Low Pressure Area.

Ayon kay DSWD spokesperson, Assistant Secretary Irene Dumlao sa kabila ng suspensyon sa pasok ng gobyernosa Metro Manila at iba pang mga lugar, nananatiling naka-standby ang kanilang disaster response personnel.

May nakahanda ring dalawang (2) milyong kahon ng Family Food Packs sa mga warehouse ng ahensya sa iba’t ibang rehiyon sa bansa.

Habang mayroong mahigit 116,000 ready-to-eat food boxes para naman ihatid sakaling magkaroon ng stranded na mga pasahero sa mga pantalan.

Maliban dito sinabi ni Dumlao na sapat din ang bilang ng kanilang non-food items.

Ayon sa PAGASA, hanggang bukas, September 2 ay maaaring makaranas ng pag-ulan sa Quezon, Camarines Norte, Occidental Mindoro, at Palawan. (DDC)