Leptospirosis patient na umabot sa P2.3M ang bill sa ospital nakinabang sa Zero Balance Billing program
Isang pasyente sa National Kidney Transplant Institute o NKTI ang umabot sa mahigit 2.3 million ang bill sa ospital matapos tamaan ng leptospirosis bunsod ng paglusong niya sa tubig-baha.
Ayon kay Department of Health Secretary Ted Herbosa, naapektuhan kasi ang baga ng pasyente kaya kinailangang isagawa ang ECMO o Extracorporeal Membrane Oxygenation.
Sa kabuuan ay umabot sa P2,363,181 ang hospital bill ng pasyente sa NKTI dahil sa mga naranasan nitong komplikasyon.
Dahil sa patuloy pa ring nararanasang pag-ulan sa maraming lugar sa bansa igniit ng DOH ang paalala sa publiko na iwasan ang lumusong sa baha.
Kung hindi naman maiiwasan, mabuting agad magpatingin sa health centers at leptospirosis fast lanes sa DOH hospitals para malaman ang akmang gamot at makaiwas sa malalang kaso ng leptospirosis. (DDC)
