Mga batang biktima ng physical at sexual abuse sa isang child-care facility sa Region 3, nasagip ng DSWD

Sinagip ng Field Office 3 ng Department of Social Welfare and Development ang mga batang nasa pangangalaga ng Subic Bay Children’s Home, Inc. o SBCHI matapos makatanggap ng ulat ng umano’y insidente ng physical at sexual abuse sa pasilidad.

Iniutos ni DSWD Secretary Rex Gatchalian na pansamantala ay ilagay ang mga bata sa protective custody ng DSWD para matiyak ang kanilang kaligtasan.

Agad ding pagkakalooban ng agarang interbensyon ang mga bata para sa kanilang recovery matapos ang sinapit na trauma.

Ayon kay Gatchalian, maliban sa physical at sexual abuse ang pasilidad ay sangot din sa iba pang paglabag gaya ng mismanagement of funds, improper case management, at non-compliance sa Registration, License to Operate and Accreditation standards ng DSWD.

Naglabas ng cease and desist order si Gatchalian para ipatigil ang operasyon ng pasilidad habang isinasagawa ang masusing imbestigasyon. (DDC, Bhelle Gamboa)