Apela ni Gen. Torre sa publiko: Huwag niyo akong kaawaan

Nagpasalamat si General Nicolas Torre III sa publiko sa tiwala at suportang ibinibigay sa kaniya matapos matanggap sa pwesto bilang hepe ng Philippine National Police.

Sa maiksing video na ibinahagi ni Torre sa kaniyang Facebook page, umapela ito sa publiko na huwag siyang kaawaan dahil sa kabila ng biglaan na pagkakatanggal niya sa pwesto bilang PNP chief, ay “OK” lang siya.

Iginiit din ni Torre na wala siyang sama ng loob kay Pangulong Ferdinand Marcos Jr. matapos ang nangyari dahil nauunawaan nyang ang pagkakatanggal niya bilang chief PNP ay isa lamang sa mabibigat na desisyon na kailangang gawin ng presidente.

Wala pa rin naman ibinigay na pahayag si Torre sa kung ano ang naging dahilan ng pagkakatanggal sa kaniya sa pwesto, maging sa napabalitang alok na posisyon sa kaniya sa gobyerno. (DDC)