Kennon Road buksan na muli sa mga motorista; limitado lamang sa light vehicles
Binuksan na muli sa mga motorista ang Kennon Road sa Benguet matapos na isara ng matagal na panahon dahil sa mga insidente ng rockslide.
Sa abiso ng Department of Public Works and Highways – Cordillera, passable na muli para sa general public ang Kennon Road.
Gayunman, limitado muna sa light vehicles ang kalsada at mayroong umiiral na load limit na 5 tons.
Nakasaad sa abiso na ang mga heavy vehicles ay bawal pa sa pansamantalang detour road sa Camp 2.
Para sa malalaking sasakyan, maaaring tumaan muna sa Marcos Highway. (DDC)
