Pagbabakuna sa mga paaralan sa Western Visayas umarangkada na

Pormal nang inumpisahan ng Department of Health – Western Visayas ang School-Based Immunization program sa mga public at private school sa rehiyon para mabigyang proteksyon ang mga bata laban sa mga vaccine-preventable diseases.

Ang mg mag-aaral na nasa Grades 1 hanggang 7 ay bibigyan ng bakuna laban sa Measles-Rubella at Tetanus Diphtheria at ang mga Grade 4 na babaeng estudyante ay may dagdag na bakuna laban sa Human Papillomavirus o HPV na panlaban sa cervical cancer.

Nanawagan naman ang DOH-Western Visayas sa mga magulang at guardian ng mga bata na makipagtulungan at lagdaan ang consent forms para mabigyan ng bakuna ang kanilang mga anak.

Katuwang ng DOH sa naturang programa ang Department of Education at ang local government units. (DDC)