DPWH sinuspinde ang pag-iisyu ng travel authority sa lahat ng kanilang opisyal at mga empleyado

Sinuspinde ng Department of Public Works and Highways ang pagpapalabas ng travel authority sa lahat ng tauhan nitong bibiyahe abroad dahil sa “personal reason”.

Sa memorandum na nilagdaan ni DPWH Secretary Manuel Bonoan, ang kautusan ay bahagi ng nagpapatuloy na imbestigasyon sa mga proyekto ng DPWH.

Ayon sa memorandum, walang aaprubahang aplikasyon para sa “Authority to Travel abroad for Personal Reasons” maliban na lamang kung ang dahilan ay isyung medikal.

Effective immediately ang kautusan at tatagal hanggang sa November 2025.

Ani Bonoan, ang hakbang ay bilang pagtitiyak na ang DPWH ay “committed” sa pagsusulong ng transparency, accountability at puvlic service integrity sa gitna ng nagpapatuloy na imbestigasyon. (DDC)