21 Pinoy mula Israel ligtas na nakauwi sa bansa

Ligtas na nakauwi sa bansa ang dalawampu’t isang distressed overseas Filipino workers mula sa Israel.

Lulan ng Gulf Air Flight GF154 na lumapag sa NAIA Terminal 3, matagumpay na naisagawa ang repatriation sa mga OFW sa pagtutulungan ng Embahada sa Israel, Department of Migrant Workers at ng Overseas Workers Welfare Administration.

Pagdating sa NAIA agad pinagkalooban ng karampatang tulong ang mga umuwing OFW.

Maliban sa tulong-pinansyal isinailalim din sila sa medical check-up, binigyan ng immigration assistance, transport assistance upang makauwi sila nang ligtas sa kanilang pamilya, gayundin ng aaccommodation para sa pansamantalang tutuluyan habang inaasikaso ang kanilang pagbabalik sa kani-kanilang mga lalawigan. (DDC)