LGU makikipag-ugnayan sa DPWH sa gumuhong flood control sa Montalban, Rizal

Nag-inspeksyon ang alkalde ng Montalban, Rizal sa isang flood control project sa bayan na inumpisahang gawin ng Department of Public Works and Highways taong 2021.

Ayon kay Montalban, Rizal Mayor Ronnie Evangelista, gumuho na ang bahagi ng nasabing proyekto sa Shorcut Road, Brgy. San Jose.

Kaugnay nito, mariing kinondena ng alkalde ang hindi matibay na paggawa ng istruktura.

Tiniyak din ni Evangelista na patuloy na makikipag-ugnayan sa DPWH para masiguro ang kaligtasan ng mga motorista at residenteng dumadaan sa naturang kalsada.

Ayon sa alkalde, kabilang ang Montalban sa mga nakatanggap ng malalaking proyekto patungkol sa Flood Control ng DPWH, kaya ipasusuri nito ang iba pang proyekto sa bayan at titityaking may mananagot kung may mapapatunayang iregularidad. (DDC)