Higit 80 na pamilya sa Las Piñas opisyal ng landowners
Mahigit 80 na pamilya sa Las Piñas City ang opisyal ng landowners kasunod ng paggawad ng titulo ng lupa o land titles mula sa Social Housing Finance Corporation (SHFC).
Ang mga naninirahan sa Johnmary Ville, Phase 1 sa Barangay Pulang Lupa Dos ang mga benepisyaryo nito bilang bahagi ng Community Mortgage Program (CMP) ng SHFC.
Pinangunahan nina Mayor April Aguilar at SHFC President at CEO Federico Laxa ang seremonya ng pagbibigay ng Transfer Certificates of Title sa mga bagong landowners.
Nagpasalamat si Mayor Aguilar sa SHFC sa pagtulong sa mga residente na makamit ang kanilang pangarap na magkaroon ng sariling lupa, habang pinuri naman ni Laxa ang lokal na pamahalaan sa suporta sa imprastruktura at iba pang tulong sa mga benepisyaryo. (Bhelle Gamboa)
