3 drug personalities timbog sa P139K na halaga ng shabu sa Makati drug bust
Napasakamay ng Makati City Police Station Drug Enforcement Unit (SDEU) ang tatlong street-level drug personalities at nakumpiska ang umano’y shabu na nagkakahalaga ng P139,400.00 sa ikinasang buy-bust operation sa lungsod.
Kinilalani Makati CPS Officer-in-Charge Col. Reycon L. Garduque ang mga naarestong suspek na sina alyas Alvin, 50-anyos; alyas Boyet, 53-anyos; at alyas Jhay Ar, 20-anyos.
Sa gitna ng operasyon, nakumpiska ng SDEU operatives ang tinatayang 20.50 na gramo ng umano’y shabu,
gray metallic Mitsubishi Xpander, cellular phone, at buy-bust money.
Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa tatlong suspek sa Makati City Prosecutor’s Office.
Ang matagumpay na operasyon ay patunay sa walang tigil na pagsasagawa ng kampanya kontra ilegal na droga ng otoridad sa lungsod.
“This successful operation is a testament to the hard work and dedication of our officers in Makati. We will not rest until every corner of our district is free from the menace of illegal drugs,” pahayag ni Southern Police District Acting District Director BGen Randy Y. Arceo. (Bhelle Gamboa)
