Publiko pinag-iingat ng FDA sa pekeng bakuna kontra rabies

Inabisuhan ng Food and Drug Administration ang publiko na maging maingat sa pagbili o paggamit ng bakuna laban sa rabies makaraang matuklasan ang pagkalat ng pekeng bersyon ng isang anti-rabies vaccine.

Sa inilabas na abiso ng FDA, ang Purified Rabies Vaccine na may Batch Number na 2023-1019-2AX at mayroong expiration date na Sep. 28, 2026 ay peke.

Pinapayuhan ang lahat ng healthcare professionals at ang publiko na iwasang gamitin ang nasabing produkto dahil maaaring magdulot ito ng pinsala sa kalusugan.

Binalaan din ang lahat ng outlets na mapapatunayang nagbebenta ng pekeng produkto na maaari silang maharap sa kasong paglabag sa Republic Act No. 9711 o Food and Drug Administration Act of 2009 at Republic Act No. 8203 o Special Law on Counterfeit Drugs. (DDC)