Pagsibak kay Torre bilang PNP chief “sole prerogative” ni Pangulong Marcos ayon sa DILG

Tanging si Pangulong Ferdinand Marcos Jr. lamang ang makasasagot o makapagbibigay ng dahilan ng pagtanggal sa pwesto kay PNP chief General Nicolas Torre III.

Sa press briefing, sinabi ni Department of the Interior and Local Government Secretary Jonvic Remulla na walang kaso na kinakaharap si Torre at sa kaniyang pagkakaalam ay wala din naman itong nagawang paglabag.

Gayunman, ang pagpapalit ng pinuno ng pambasang pulisya ay “sole prerogative” aniya ni Pangulong Marcos.

Sinabi ni Remulla na natanggap lamang ng DILG ang kautusan sa pagsibak kay Torre sa pwesto at bilang kalahim ng ahensya ay ipatutupad niya ang nasabing kautusan.

Sa nasabing press briefing ay kinumpirma din ni Remulla na si APC Western Mindanao Commander Lt. Gen. Jose Melencio Nartatez ang papalit kay Torre. (DDC)