2 lalaki na nagbebenta ng ATM at e-wallet account timbog sa magkahiwalay na operasyon sa QC at Caloocan

Arestado ang isang lalaki dahil sa ilegal nitong pagbebenta ng ATM card sa pamamagitan ng online.

Nagkasa ng entrapment operation ang Cyber Financial Crime Unit na nagresulta sa pagkaka-aresto ng 35-anyos na si alyas “Estong”.

Ayon sa PNP Anti-Cybercrime Group nahaharap ang suspek sa kasong paglabag sa RA No. 12010 o Anti-Financial Account Scamming Act in relation to Cybercrime Prevention Act of 2012.

Samantala sa Caloocan City arestado din ng mga tauhan ng Northern District Anti-Cybercrime Team ang isang lalaki na sangkot sa ilegal na bentahan ng e-wallet account gamit ang rehistradong SIM Card.

Ang suspek na kinilalang si alyas “Itoy” ay nadakip sa ikinasang entrapment operations ng pulisya.

Tiniyak naman ni Brigadier General Bernard R. Yang, Acting Director ng PNP Anti-Cybercrime Group, na patuloy na tututukan ang mga kahalintulad na insidente para maprotektahan ang publiko laban sa financial fraud at para matiyak ang integridad ng financial systems sa bansa. (DDC)