PWD na anak ng OFW sa Pateros, pinagkalooban ng tulong ng DMW

Binisita ni Department of Migrant Workers Secretary Hans Leo Cacdac ang isang Person with Disability sa Pateros na nakikipaglaban sa sakit sa apdo at iba pang mga karamdaman.

Personal na iniabot ni Cacdac kasama ng DMW-NCR ang agarang tulong sa 32-anyos na PWD na si “John Elmer” ay anak ng isang OFW na nagtatrabaho bilang caregiver sa Saudi Arabia.

Unang nakatanggap ng liham si Cacdac mula nasabing OFW para ihingi ng tulong ang kalagayan ng kaniyang anak.

Ipinagkaloob ng DMW ang tulong-pinansyal at medikal mula sa DMW AKSYON Fund.

Tutulungan din ng DMW si “John Elmer” na maisailalim sa mga laboratory tests at ilang medical procedures sa OFW Hospital sa San Fernando, Pampanga. (DDC)