OWWA may skeletal workforce sa Central Office; frontline services magpapatuloy

Magpapatupad ng skeletal workforce sa central office ng Overseas Workers Welfare Administration o OWWA sa Pasay City ngayong Martes, August 26.

Kasunod ito ng anunsyo ng Department of Interior and Local Government sa suspensyon ng pasok sa mga tanggapan ng gobyerno sa Metro Manila dahil sa inaasahang masamang panahon na dulot ng Low Pressure Area.

Tiniyak din ng OWWA na magpapatuloy ang kanilang frontline services upang masiguro ang agarang pag-asiste sa mga OFW.

Bukas din 24/7 ang OWWA Hotline 1348 para tumanggap ng mga tanong o hinaing.

Maaari ding magpadala ng email sa owwaecares@owwa.gov.ph (DDC)