Bayan ng Tumaga sa Zamboanga City binaha; mga residente sa 2 barangay inilikas

Nagsagawa ng search and rescue operation sa bahagi ng Tumaga, Zamboanga City makaraang makaranas ng pagbaha umaga ng Lunes, August 25.

Ayon kay Zamboanga City Mayor Khymer Olaso binaha ang mga residente sa Ayudahan Drive at San Ignacio, Filinvest sa bayan ng Tumaga dahil sa naranasang patuloy na pag-ulan.

Nagtulung-tulong ang mga tauhan ng Bureau of Fire Protection at Philippine Coast Guard para mailigtas ang mga pamilyang na-trap sa kanilang tahanan.

Maliban sa mga binahang bahay, may mga sasakyang nalubog sa tubig-baha. (DDC)