Buwis-buhay na pagsisid para makuha ang getaway vehicle sa pagpatay sa 2 Japanese sa Maynila

Sinisid ng mga diver ng PNP-Maritime Group ang madumi at mabahong tubig sa Bacolod-Mandaluyong Bridge na nagresulta sa pagkaka-rekober ng motorsiklong ginamit bilang getaway vehicle ng mga suspek sa pagpaslang sa dalawang Japanese National sa Maynila.

Ayon sa PNP, ang mga sumisid ay bahagi ng Underwater Crime Scene Investigation Scuba Divers mula sa Special Waterborne Operations School ng Maritime Group.

Sa kabila ng hindi Magandang kondisyon ng tubig gaya ng halos zero visibility, mabahong amoy, at potensyal na panganib sa kanilang kalusugan dahil sa waterborne contaminants ginawa ng team ang pagsisid dahilan para makuha ang motorsiklo.

Malaking tulong ang nasabing motorsiklo bilang ebidensya sa nagpapatuloy na imbestigasyon sa pagpaslang sa dalawang dayuhan. (DDC)