Bulacan pinaka-notoryus sa anomalya sa flood control – Lacson

Umabot sa dalawampu’t walong maanomalyang proyekto sa Bulacan na pinondohan ng tig-72 million pesos o higit pa sa ilalim ng 1st Engineering District ng Department of Public Works and Highways.

Sa kaniyang pagbubunyag, binanggit ni Senator Panfilo Lacson ang nasibak pwesto na si dating Bulacan District Engineer Henry Alcantara at ang pumalit sa kaniya na si Brice Hernandez na parehong notoryus sa kalakalaran.

Kamakailan lang ayon kay Lacson, isa sa dalawang nabanggit na opisyal ang nakapagpatalo ng daan milyon sa casino.

Binanggit ni Lacson ang halos 30 “guni-guning” proyekto sa iba’t bang bayan sa Bulacan kabilang ng sa Malolos at Hagonoy na karamihan ay Riverbank Protection Structure na pawang “ghost projects”.

Ayon kay Lacson, mayroong isang grupo sa loob ng 1st District Engineering Office ng Bulacan na kilalang sindikato ng mga substandard at ghost projects.

Tiniyak naman ni Lacson na handa ang kaniyang tanggapan na ibigay ang pangalan ng lahat ng kasapi ng sindikato kabilang ng mga posibleng maging testigo sakaling magkaroon ng pormal na imbestigasyon.

= = = = =