Long weekend sa San Mateo, Rizal; klase sa paaralan suspendido sa Aug. 22

May aasahang long weekend ang mga mag-aaral at mga guro sa munisipalidad ng San Mateo sa lalawigan ng Rizal.

Nagdeklara kasi ng suspensyon ng klase sa pampubliko at pribadong paaralan sa naturang bayan sa Biyernes, August 22.

Wala ding pasok ng August 21 sa buong bansa dahil sa paggunita ng Ninoy Aquino Day at sa August 25 araw ng Lunes para naman sa paggunita ng National Heroes Day.

Ang suspensyon ng klase sa San Mateo, Rizal sa Biyernes ay dahil sa idaraos na seremonya para sa Solemn Declaration ng Our Lady of Aranzazu Parish bilang isang National Shrine o Pambansang bana.

Sa nasabing seremonya, magkakaroon ng banal na misa na pangungunahan ni Luis Antonio Cardinal Tagle kasama ang mga Obispo at mga Kaparian.

Noong Enero 2025, ang naturang simbahan ay itinalaga ng Catholic Bishops’ Conference of the Philippines bilang isang national shrine mula sa pagiging Diocesan Shrine dahil sa pagiging makasaysayan nito. (DDC)