Centenarian sa Antipolo tumanggap ng P100K; Gulay at isda susi sa malakas na pangangatawan

Isang centenarian sa Antipolo City ang tumanggap ng P100,000 makaraang ipagdiwang ang kaniyang ika-100 Kaaawaran.

Ayon kay Antipolo City Mayor Jun Ynares, si Lolo Victoriano “Teto” E. Buenaventura mula sa Barangay Cupang ang ang ika-43 Centenarian sa Rizal at ika-apat naman sa lungsod.

Sa edad na isangdaan malakas pa ang pangangatawan ni Lolo Teto at mukhang mas bata sa kaniyang edad.

Ayon kay Lolo Teto, simple lang ang sikreto, isda at gulay.

Sa ilalim ng Republic Act 11982 na nag-aamyenda sa Centenarians Act, ang mga Senior Citizen ay makatatanggap ng cash gift na nagkakahalagang 10,000 pesos sa pagtungtong nila ng edad 80, 85, 90, at 95 bukod pa sa matatanggap nilang 100,000 pesos pagtuntong nila ng 100 years old. (DDC)