Early Bird Promo para sa first-time homebuyers, aprub sa Kamara

Suportado ng Kamara ang early bird promo ng Pag-IBIG fund para sa mga first-time homebuyers.

Sa progamang ito ng Pag-IBIG, magbibigay ng 10-year, three-percent subsidized interest rate sa unang 30,000 borrowers sa ilalim ng Pambansang Pabahay Para sa Pilipino o 4PH program ng administrasyon.

Sinabi ni House Speaker Ferdinand Martin Romualdez,ang inisyatibang ito ay makapagpapalakas pa sa layunin ng adminstrasyon ni Pangulong Ferdinand ‘Bongbong’ Marcos Jr. na masolusyonan ang housing backlog sa bansa.

Target ng programa ng Pag-IBIG ang first-time homebuyers na low-income at minimum wage earners.

Dahil sa subsidized interest rate ay bababa sa 3,600 hanggang 3,700 pesos ang kanilang monthly amortization mula sa 5,400 hanggang 5,500 pesos sa isang socialized housing unit na nagkakahalaga ng 850,000 pesos.

Naniniwala si Romualdez na malayo ang mapupuntahan ng perang matitipid na maaaring magamit sa iba’t ibang pangangailangan gaya ng pagkain, gamot, o edukasyon ng kanilang mga anak. (DDC)