Resibo ng pinagbayaran ng DPWH sa contractor ng ghost flood control project sa Baliwag, Bulacan isinapubliko ng Malakanyang

Ipinakita ng Malakanyang ang mga opisyal na resibo na nagpapatunay na nagbayad ang DPWH Bulacan 1st District Engineering Office ng higit P55 million sa Syms Construction Trading para sa isang flood control project sa Brgy. Piel, Baliwag, Bulacan.

Sa kopya ng resibo nan ibinahagi ng Presidential Communications Office o PCO, unang nagbayad ng DPWH ng halos P44 million sa Syms noong March 19, 2025.

Ang ikalawang bayad ay ginawa noong June 30, 2025 na nagkakahalaga naman ng halos P6 million.

Nakasaad din sa ikalawang resibo na iyon na ng ikalawa at pinal na bayarin ng DPWH.

Labis na ikinagalit ni Pangulong Ferdinand Marcos Jr. nang makita ang flood control project sa Baliwag, Bulacan na Kahit deklarado nang 100 percent complete ay wala namang naumpisahan sa proyekto.

Iniutos na ni Pangulong Marcos ang pag-blacklist sa Syms Construction Trading dahil sa kontrobersiya. (DDC)