Panukalang Drug-Free Government Bill ni Sen. Robin Padilla hindi gimik
Walang halong ‘gimik’ sa inihaing Senate Bill 1200 o Drug-Free Government Bill ni Senator Robin Padilla.
Ang naturang panukalang batas ay inihain ng senador ilang araw lamang makaraang masangkot ang kanyang staff na si Nadia Montenegro sa alegasyong paggamit ng tsongke sa comfort room ng senado.
Sa ilalim ng panukala, layong gawin na mandatory ang taunang drug testing para sa lahat ng public officials at voluntary random drug testing naman para sa electoral candidates.
Ayon sa pahayag ng chief of staff ni Padilla na si Atty. Rudolf Philip Jurado, ang layunin ng panukalang batas ay matukoy ng maaga kung may opisyal ng pamahalaan ang gumagamit ng ilegal na droga at para isulong ang pananagutan ng mga nasa mataas na posisyon sa gobyerno.
Mahalaga ayon kay Jurado na masigurong na ang mga nasa posisyon sa gobyerno ay mayroong moral ascendancy” para magpatupad ng batas. (DDC)
