Lisensya ng driver na nag-dirty finger sa siningitang motorista, sinuspinde ng LTO
Pinatawan ng 90-araw na suspensyon ng Land Transportation Office ang lisensya ng driver na nang-cut sa kapwa niya motorista at nang-dirty finger pa.
Naglabas ng show cause order ang LTO at inatasan ang rehistradong may-ari ng Toyota Prado na may plakang AKA 1953 at ang driver ng sasakyan na humarap sa LTO sa August 28, 2025.
Ito ay para maipaliwanag ang kanilang panig kung bakit hindi nararapat managot ang driver sa Reckless Driving at Improper Person to Operate a Motor Vehicle.
Ayon kay Transportation Sec. Vince Dizon, walang lugar sa kalsada ang mga bastos at walang disiplinang motorista. (DDC)
