Bagong silang na sanggol dinalaw ni PBBM matapos pumanaw ang ina sa panganganak; Zero Bill sa ospital tiniyak ng pangulo
Dinalaw ni Pangulong Ferdinand Marcos Jr. ang isang bagong silang na sanggol na nasa Neonatal Intensive Care Unit ng East Avenue Medical Center.
Pumanaw ang nanay ni Baby Elisse dahil sa panganganak at umabot sa mahigit kalahating milyong piso ang kanilang bill sa ospital.
Pero pagtitiyak ni Pangulong Marcos sa tatay ni Baby Elisse, wala silang babayaran sa bill ng sanggol sa NICU at sa mga isinagawang medical procedures sa nasawing nanay.
Ayon sa kwento ni Tatay Dexter, pitong buwang buntis ang kaniyang live-in partner nang maaksidente habang sakay ng motorsiklo kaya ipinanganak si Baby Elisse ng pre-mature.
Umabot sa kabuuang 551,908 pesos and kabuuang bill sa procedures na ginawa sa mag-ina pero dahil sa Zero Billing Program ay wala nang poproblemahing bayarin si Tatay Dexter. (DDC)
