Mga dokumento na kailangan para sa ikakasang imbestigasyon sa Bulacan Flood Control Projects hawak na ng COA

Hawak na ng Commission on Audit – Fraud Audit Office ang mga mahahalagang dokumento para sa isasagawang imbestigasyon sa flood control projects sa Bulacan.

Ayon sa pahayag ng COA-FAO nasa tanggapan ng ng ahensya sa Quezon City ang unang batch ng mga kailangang dokumento para masimulan ang pagbusisi sa mga proyekto.

Kabilang sa huhukayin ng COA ang kalidad, halaga, procurement process, at project existence.

Magugunitang sa memorandum na pirmado ni COA Chairperson Gamaliel Cordoba, inatasan ang lahat ng supervising auditors at audit team leaders ng mga district office ng Department of Public Works and Highways sa Central Luzon na isumite ang lahat ng kinakailangang dokumento para sa imbestigasyon. (DDC)