Panukalang pagbibigay ng 14th month pay para sa mga manggagawa sa pribadong sektor inihain din sa Kamara

Inihain ng Trade Union Congress of the Philippines ang panukalang batas na layong mabigyan ng 14th month pay ang lahat ng manggagawa sa pribadong sektor.

Kasunod ng paghahain ng parehong panukala sa senado ni Senate Minority Leader Vicente “Tito” Sotto III, sinabi ng TUCP na ang pagkakaroon ng panukala sa parehong kapulungan ng Kongreso ay patunay na hindi na sapat ang 13th month pay para sa mga manggagawa.

Sa ilalim ng House Bill No. 3808 sinabi ni TUCP Party-list Representative and Deputy Speaker Raymond Democrito C. Mendoza, ang 13th month pay ay tatanggapin ng mga manggagawa kapag buwan ng Hunyo at ang dagdag na 14th month ay kapag buwan ng Disyembre.

Nakasaad din sa panukala na maaaring mag-apply ng exemption ang kumpanya kung hindi nito kakayaning magbigay ng 14th month pay pero kailangang suriing mabuti ng Department of Labor and Employment ang aplikasyon bago aprubahan. (DDC)