2 drug suspects timbog sa Taguig at Parañaque buy-busts, P652K halaga ng shabu nakumpiska
Dalawang drug personalities ang nadakip ng Southern Police District (SPD) sa matagumpay na anti-illegal drugs operations sa Taguig City at Parañaque City at nakumpiska ang ₱652,800.00 na halaga ng umano’y shabu.
Unang naaresto ang suspek na si alyas “Loreto”, 46-anyos, bagong natukoy na street-level individual sa buy- bust operation ng mga operatiba ng Station Drug Enforcement Unit (SDEU) ng Taguig City Police Station sa ilalim ng superbisyon ni Col. Byron F Allatog, Officer-In-Charge, na ginanap sa Kalachuchi Street, Barangay Western Bicutan, Taguig City.
Nakuha umano kay alyas Loreto ang tinatayang 26 na gramo ng umano’y shabu na nagkakahalaga ng ₱176,800.00, marked money, at pouch kung saan itinago ang ilegal na droga.
Sa Poultry Compound, Brgy. San Dionisio, Parañaque City naman naaresto ang suspek na si alyas ” Rolly Rambal”, 30- anyos, High-Value Individual (HVI), sa ikinasang operasyon ng SDEU Paran̈aque CPS sa ilalim ng superbisyon ni Officer-in- harge Col. Nicolas Pin̈on.
Nasamsam mula sa suspek ang 70 na gramo ng umano’y shabu na nagkakahalaga ng ₱476,000.00, buy-bust money, coin purse, at cellular phone.
Dibala ang mga ebidensiya sa SPD Forensic Unit para sa quantitative at qualitative analysis habang inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002.
Pinuri ni SPD Acting District Director BGen Randy Y. Arceo ang matagumpay na operasyon at binigyang-diin nito ang paninindigan ng Distrito na labanna ang paglaganap ng ilegal na droga.
“These accomplishments demonstrate the relentless efforts of our police stations in addressing the problem of illegal drugs at both the street and high-value levels. The arrest of a street-level pusher in Taguig and a high-value target in Parañaque sends a strong message that the Southern Police District will not allow our communities to be infiltrated and destroyed by the drug trade. We remain committed to protecting our people, especially the youth, by ensuring that drug offenders are held accountable under the law.,” sabi ni BGen Arceo. (Bhelle Gamboa)
