Pasyente na benepisyaryo ng Zero Balance Billing sa Visayas
Nakausap ni Pangulong Ferdinand Marcos Jr. ang kaanak ng pasyente sa Eastern Visayas Medical Center na benepisyaryo ng programang Zero Balance Billing ng pamahalaan.
Ikinwento ni Rica Ligo kay Pangulong Marcos na mag-iisang buwan nang naka-admit at nagpapagaling sa nasabing ospital ang kaniyang tatay na si Rico Ligo dahil nabutas ang baga, diaphragm, at colon nito matapos na masaksak.
Kinailangang operahan at tubuhan ang kaniyang tatay dahil sa kaniyang komplikadong sitwasyon at umabot sa P447,923 ang kaniyang total bill sa ospital.
Kinumpirma mismo ni Pangulong Marcos at DOH Sec. Ted Herbosa na wala nang babayaran ang pamilya Ligo dahil sa ilalim ng Bayad na Bill Mo o Zero Balance Billing.
Si Tatay Rico ay minimum wage earner at nagtatrabaho bilang maintenance worker. (DDC)
