Assistance at suporta para sa OFWs sa Lagos, Nigeria tiniyak ng DMW
Makakaasa ng lahat ng kaukulang assistance at suporta ang mga nagkaproblemang overseas Filipino workers (OFWs) na nanunuluyan ngayon sa immigration facility sa Lagos, Nigeria kasunod ng pagbisita doon ng Department of Migrant Workers at Philippine Embassy sa Abuja, Nigeria.
Pinangunahan nina Secretary Hans Leo J. Cacdac at Ambassador Mersole Mellejor ang pagbisita at nakasalamuha ang 40 distressed OFWs kabilang ang isang Pilipina na kapapanganak sa kanyang malusog na babaeng sanggol, kung saan nakapag-asawa ang ginang ng Chinese national.
“We see baby Kiera not only as a child born of two migrants, but as a symbol of hope, dignity, and the enduring strength of Filipino worker wherever they are. This is why we are here to ensure that no Filipino is forgotten, especially in their most vulnerable moments,” sabi ni Secretary Cacdac.
Kabilang ang ginang na si Jane sa 40 distressed OFWs ang naghihintay na lamang ng kanilang repatriation.
Sa kanilang pag-uwi sa Pilipinas, sila ay tatanggap ng agaran at komprehensibong suporta mula sa gobyerno kasamaa ang welfare assistance at reintegration services, alinsunod sa whole-of-government approach na direktiba ni Pangulong Ferdinand R. Marcos Jr.
Inihayag ni Sec. Cacdac ang kanyang pasasalamat sa malakas na kooperasyon sa pagitan ng Nigerian authorities, Philippine Embassy and Consulate, at iba pang lokal na partners para sa assistance ng OFWs.
Patuloy ang DMW sa malapit nitong pagtutulungan sa Department of Foreign Affairs (DFA) at Philippine Embassy sa Abuja upang siguruhin na ang nga Pinoy sa immigration facilities ay makatatanggap ng kaukulang legal na asiste at makataong suporta.
Samantala ibinahagi naman ni Nigerian Assistant Comptroller General (ACG) El Anugwa na ang mga Pinoy ay pawang mahinahon, matatag, at kabutihang asal sa Nigeria.
“Filipinos are naturally law-abiding and among the most well-behaved foreigners in Nigeria. They show respect, cooperation, and serve as a calming presence among diverse groups,” pahayag ni ACG El Anugwa. (Bhelle Gamboa)
