Las Piñas City Agriculture Office may bagong patrol boat at utility vehicle mula sa LGU

May bagong patrol boat at utility vehicle ang Las Piñas City Agriculture Office mula sa Pamahalaang Lungsod.

Nabatid na pinangunahan ni Mayor April Aguilar ang blessing ceremony para sa naturang bagong bangka at sasakyan na gagamitin ng City Agriculture Office para sa mas epektibong pagpapatupad ng Fisheries Law enforcement, pag-tag ng mariculture structures, at geotagging ng coastal boundaries.

Magagamit rin ang mga ito para sa agarang rescue operations sa coastal areas ng lungsod. Sa tulong nito, mas mapapalakas ang pangangalaga sa yamang-dagat at seguridad sa baybayin ng Las Piñas.

Ito ay bahagi ng patuloy na adhikain ni Mayor April na mapangalagaan ang kalikasan at ang kabuhayan ng mga Las Piñero. (Bhelle Gamboa)