300 pang PDLs ng Bilibid inilipat sa Palawan

Nasa 300 pang persons deprived of liberty (PDLs) mula sa New Bilibid Prison sa Muntinlupa City ang inilipat sa Iwahig Prison and Penal Farm sa Puerto Princesa, Palawan.

Ang paglilipat ay bahagi sa hakbang na paluwagin ang NBP para sa mas malawak na istratehiya tungo sa pagsasara ng pasilidad sa taon 2028.

Ayon kay Bureau of Corrections Director General Gregorio Pio P. Catapang Jr. ang paglipat ng PDLs ay mahalagang bahagi sa nagpapatuloy na decongestion program ng BuCor na layuning tugunan ang sobrang siksikan sa NBP.

Paliwanag ni Catapang ang mga bagong lipat na PDLs ay hindi lamang sa kanilang relokasyon kundi mahalga ang gagampan nilang papel sa pagsuporta sa mga inisyatibang pang-agrikultura sa IPPF kung saan mas gumaganda ang agricultural program doon.

Sa pagpapaunlad ng bahagi nitong 28,000 na ektaryang lupain ay isinasaayos na ang isang mega economic zone kung saan ang integrasyon ng PDLs sa balangkas na ito ay magbibigay sa kanila ng mahahalagang kasanayan para sa panunumbalik sa lipunan.

“As we continue our path towards reform, the transfer of PDLs to Iwahig acts as both a temporary solution for decongestion and a foundational step towards a more rehabilitative approach to incarceration where inmates can contribute positively to society even while serving their sentences,” sabi ni Catapang. (Bhelle Gamboa)