Flood Control Projects sa Bulacan sasailalim sa audit ng COA

Iniutos ng Commission on Audit ang pagsasagawa ng audit sa flood control projects sa lalawigan ng Bulacan matapos ang naranasang insidente ng pagbaha.

Sa memorandum ni COA chairperson Gamaliel Cordoba, inatasan ang lahat ng supervising auditors at audit team leaders ng Department of Public Works and Highways District Offices sa Region 3 na magsumite ng kaukulang dokumento para sa gagawing fraud audit.

Pinasisiguro din na available ang mga ito na tumulong sa audit teams para sa proseso ng imbestigasyon.

Sakop ng audit ang mga flood control project ng DPWH sa Bulacan na nakatanggap ng 44 billion pesos na pondo.

Kamakailan binisita ni Pangulong Ferdinand Marcos Jr. ang proyekto sa Calimpit Bulacan kung saan inatasan nitong magpaliwanag ang Timothy Construction Corp. dahil sa palpak na flood control project. (DDC)