Lisensya ng viral driver na may kandong na bata habang nagmamaneho sinuspinde ng LTO

Pinatawan ng 90-araw na suspensyon ang lisensya ng driver sa viral video kung saan kitang may kalong itong bata habang nagmamaneho, at hinayaan pa ang batang magkontrol ng manibela.

Naglabas ng show cause order ang Land Transportation Office at inatasan ang driver na magpaliwanag sa hensya.

Sa inilabas na SCO, inatasan ang driver na isuko ang kaniyang driver’s license sa ahensya.

Nangyari ang insidente sa loob ng parking lot ng isang mall sa Parañaque City.

Ayon kay Transportation Secretary Vince Dizon, mahigpit na ipinagbabawal ang pagmamaneho o pagpapahawak ng manibela sa mga bata.

= = =