Dayuhang direktor ng child care facility sa Mexico, Pampanga kinasuhan na ng DSWD dahil sa pananakit sa mga bata
Inaresto ay ipinagharap na ng kaso ang American national na may-ari ng care facility sa Mexico, Pampanga kasunod ng reklamo ng mga bata na nakararanas sila ng pang-aabuso sa nasabing pasilidad.
Ayon sa DSWD si Pastor Jeremy Ferguson na direktor ng New Life Baptist Church of Mexico, Pampanga Inc. (NLBCMPI) na nasa Barangay Pandacaqui ay ipinagharap ng reklamong paglabag sa
R.A. 7610 o Special Protection of Children Against Abuse, Exploitation and Discrimination Act.
Sinabi ni DSWD Secretary Rex Gatchalian ang mga batang nasa pangangalaga ng pasilidad na pinataakbo ni Ferguson ay nakararanas ng physical abuse, verbal abuse, at psychological abuse.
Ang pasilidad ay nakita ding delikado na sa sunog, at nakitaan ng iba pang uri ng paglabag gaya ng hindi pagsunod sa DSWD Registration at sa License to Operate and Accreditation standards.
Ayon kaky Gatchalian, hihilingin din ng DSWD sa Bureau of Immigration na mag-isyu ng Hold Departure Order laban kay Ferguson para matiyak na mahaharap niya ang kaso sa korte.
Ang 156 na mga bata ay iniligtas ng DSWD mula sa nasabing pasilidad na kinabibilangan ng 78 lalaki at 78 babae. (DDC)
